සැහැල්ලු හිතක්

වසන්තය එනවත් එක්ක වට පිටාව වෙනස් වෙන හැටි දැක්කම හිතත් අලුත් කර ගන්න හිතෙනවා.

කොල නැති ගස්වල මල් ගොඩාක් පිපිලා එක එක පාටින් සුවඳට තියනවා. ශීත කාලයේ අතු ටික විතරක් තිබුන ගස් වලට අලුත් බවක් ඇවිත් තියෙනවා. ඒත් ඒ එකම ගහ. ඍතුවට අනුව වෙනස් වෙලා.

කොයි තරම් බර වෙලා තිබුණත්, හිතත් ඕන තරම් අලුත් කර ගන්න අවස්ථාව තියෙනවා. පරිසරයේ වට පිටාව වෙනස් වෙනවත් එක්කම ඒ දේ හිත තුලත් කර ගන්න ලොකු අවස්ථාවක් කෙනෙකුට ලැබෙනවා. වසන්තය කියන්නෙ ගොඩක් පැහැදිලි වෙනසක් පෙන්වන කාලයක්.

සැහැල්ලු හිතක් කෙනෙකුගෙ මුලු ජීවිතයම හොඳ අතට වෙනස් කරන්න පුලුවන් මැජික් යෂ්ඨියක් වගේ.

උදේම අවදි වෙලා, ලස්සන ඉර එලිය, යාන්තමට දැනෙන හීතල මේ වෙනස හිතේ ඇති කර ගන්න තියන හොඳම නැකතයි.

ඉරේෂා කාරියවසම්